കപട സ്വ ചിന്തകൾ

കപട സ്വ ചിന്തകൾ

കുട്ടിയെ വാവോ പാടി ഉറക്കിയിട്ട്, 

രാവിലെ കാലേ എഴുനേൽപ്പിച്ചിട്ടു

വ്യക്തി സ്വാതന്ത്രത്തെ കുറിച്ച് 

അമ്മ പറഞ്ഞ പോലെ.

കടിക്കാൻ വന്ന പട്ടിയുടെ സ്വാതന്ത്രത്തെ ഹനിക്കുന്ന  

മൃഗസ്നേഹിയെ

കാണാത്തതുപോലെ.

എന്റെ സൗഭാഗ്യങ്ങൾ കർമ്മത്തിന് തുല്യം എന്ന് വിശ്വസിച്ചിട്ട്, 

വിശ്വാസം തന്നെ കപടമെന്ന്

യുക്തി  പറഞ്ഞപോലെ 

Fake free thoughts.

സ്നേഹം

അവൾ അവളായതു കൊണ്ടാവണം അവളെ സ്‌നേഹിക്കേണ്ടത്,  അവൾ എന്റേതായതു കൊണ്ടാവരുത്.

അവൻ അവനായതു കൊണ്ടാവണം  അവനെ സ്‌നേഹിക്കേണ്ടത്, അവൻ  എന്റേതായതു കൊണ്ടാവരുത്.








സമർപ്പണം
സ്നേഹിക്കുന്ന എല്ലാ ചരാചരങ്ങൾക്കും





"She has to be loved because she is she, not because she is mine.
He has to be loved because he is he, not because he is mine."


Dedication.
To all loving living things.

വിശാലത!

ഒരുവനെ സഹായിക്കുന്നവനാണോ വിശാലൻ? 

സഹായിക്കപ്പെടുന്നവൻ,  തന്നെ  ഗണിക്കാതിരുന്നാലും അവനോടു ഇഷ്ടക്കുറവുണ്ടായാൽ ഉണ്ടാവുന്നതല്ലല്ലോ വിശാലത.

കാണണം അങ്ങനെ ഒരു വിശാലനെ. എന്നിലില്ലാത്ത ആ വിശാലതയെ.

വൈറസ്

വൈറസിനെ കൊണ്ട് തോറ്റു 

പെറ്റു പെരുകുകയും, നിൽകുന്നിടം കാർന്നു തിന്നുകയും, പലതും പെരുപ്പിച്ചു കൂട്ടുകയും ചെയ്യുന്ന ഒന്നാണ് വൈറസ് എങ്കിൽ, 

മനുഷ്യാ നീ തന്നെ വൈറസ്. 

രസകരമായ കാര്യം, നിനക്കുള്ളിലും വൈറസ്, നിനക്ക് ചുറ്റിലും. 

മാലിന്യത്തിനൊരു ദൈവം.

മാലിന്യത്തിനൊരു  ദൈവം.

കാലഘട്ടത്തിന് ആവശ്യങ്ങൾക്കു ഉതകുന്ന വിധം ദൈവങ്ങളെ സൃഷ്ടിച്ചവർ മനുഷ്യർ.

അന്ന് പല ആചാരങ്ങളും ആവശ്യമായിരുന്നല്ലോ!

ഇന്ന് ഒരു ദൈവത്തിന്റേം കൂടി ആവശ്യമുണ്ടെന്നു തോന്നണു. 

മനുഷ്യാ നീ അതിരു കടക്കുന്നു എന്ന് പറയാൻ വേണ്ടേ ഒരു ദൈവം?

നമുക്കൊന്ന് നോക്കാം

നമുക്കൊന്ന് നോക്കാം 

കേരളത്തിൽ വ്യവസായം എങ്ങനെ ഉണ്ടാവാനാ! വായ്ത്താളം അടിച്ചിട്ടെന്താ കാര്യം.

നിങ്ങള് വാ മിടുക്കൻമാരേ.

സധൈര്യയം പറ.

ഞങ്ങളിവിടെ പഠിച്ചു. ഇവിടം നിക്കും. എഞ്ചിനീയറിംഗ് കഴിഞ്ഞു ഇവിടെ നിന്ന് പയറ്റും. 

എന്നോടൊപ്പം പറ.....

ഇവിടെ വരും നമ്മളെ തേടി. അല്ലെങ്കിൽ വരുത്തും!

നമ്മളില്ലാതെ എന്ത് വ്യവസായം. 

ധനികൻ

ആരാണ് ധനികൻ?

താരതമ്യം ചെയ്യുന്നതിലെ പിശകെ ഉള്ളു.

"ഒരുവൻ അവന്റെ സമയം അവൻ ഇഷ്ടമുള്ളിടത്തും അവന്റെ സാമീപ്യം ആഗ്രഹിക്കുന്നവരുടെ കൂടെയും ഏറ്റവും ഫലപ്രദമായും സന്തോഷവാനായും  ചിലവഴിക്കാൻ അവസരം ഉണ്ടാക്കുന്നവനാണ് ധനികൻ"

പണം  ഒരു മാനദണ്ഡം ആയി എടുക്കുന്നതും, സന്തോഷവാനായ ഒരാളെ ധനികനായ് കണക്കാക്കാത്തതും നമ്മുടെ അറിവില്ലായ്മ തന്നെ! 

ധനികത്വത്തെ കുറിച്ചുള്ള അറിവില്ലായ്മ!