തേൻവരിക്ക

തേൻവരിക്ക

ഒരാൾ അതിൻ്റെ പകിട്ട്  പാടിനടന്നു .

മറ്റൊരാൾ അതൊക്കെ കള്ളമെന്നു കലഹിച്ചു 

അവരെല്ലാം  കൂടി  അതിൻ്റെ ഉൽപത്തിയെ പറ്റി സമർത്ഥിച്ചു 

കുട്ടികൾ അതേറ്റുപാടി അഹങ്കരിച്ചു 

ഞാൻ അതങ്ങു കഴിച്ചാസ്വദിച്ചു. 

മത പണ്ഡിതന്മാരോട് മാപ്പ് 

ഇന്ന്

ഇന്ന്

നാളെ വളരേ മോശം ആണ്. 

ഇന്നാണ്‌ നല്ലത് !

ഇന്നുള്ളതിനെ, ഇന്ന് തന്നെ  ആസ്വദിക്കൂ.

ഇന്നേ  മുതൽ സന്തോഷമായിരിക്കൂ.

Tomorrow is worse,
Today is better,

Enjoy the being of today. 

Try to be happy from today,

സഹിഷ്ണുത

സഹിഷ്ണുത 

ഗൃഹപാഠം ഒന്ന് 

ചോദിച്ചോട്ടെ ?

നീ സഹിഷ്ണുത ഉള്ളവനാണോ?

അതെ.

എന്നാ പറ എന്തോരം.

ഹ!, അതിപ്പോ എന്തോരമുണ്ടെന്നെങ്ങനെ പറയാനാടാ, ഉണ്ട് അത്ര തന്നെ. 

എന്നാലും.

ഉണ്ട്. നല്ലോണം ഉണ്ട്.

ഞാൻ പറയട്ടെ എത്ര ഉണ്ടെന്ന്. 

അതെങ്ങനെ പറയും നീ മണ്ടാ?

ഞാനല്ല, നീ തന്നെ പറയും. പറയിപ്പിക്കട്ടെ.

ആ പറ പണ്ടാരം.

ഡേ 1.

നീ നിനക്കിഷ്ടമില്ലാത്ത ഒരു മതത്തിലെ സംഗീതം രാവിലെ അലാറം ആയി വച്ചിട്ട് വാ പറയാം.

പറ്റുമോ.?

(ഉമ്മച്ചിയെ, അമ്മെ, മമ്മി)!,
ഹാ നോക്കാം

  ആ  വന്നു.

ഒകെ അല്ലെ? 

അതെ, ഏറെ കുറെ.

ഡേ  2.

നീ ആ സംഗീതം വീട്ടിനുള്ളിൽ ഉച്ചത്തിൽ വച്ചേ.

ഹോ , എൻ്റെ പൊന്നോ, ഒപ്പിക്കാം.

ഡേ 3.

നീ ആ പാട്ട് നാലാള് കേൾക്കുന്ന പോലെ വച്ചേ.

ഒന്ന് പോടാ. നീ എന്നെ തല്ല് കൊള്ളിക്കുമോടാ തെണ്ടി.

അപ്പോ നീ ലെവൽ 2 

പ്രാക്ടീസ് പ്രാക്ടീസ് പ്രാക്ടീസ്.

നിന്റെ മതത്തിനെ സ്നേഹിച്ചു കൊണ്ട് തന്നെ നിനക്ക് സഹിഷ്ണുത ഉള്ളവനാവെണ്ടേ ?

അപ്പോ കുറച്ചു പാടൊക്കെ പെടേണ്ടി വരും.

ങ്ങാ പോയി വാ.

ശരി പോയിട്ട് വരാട്ടാ !